ياالله اني طلبتك ياعزيز الجلال = ياعظيم الوصايف قدرتك ماتزول
يا الهي عليك الامر والاتكال = بامرك الكون كله في خضوع اوذلول
انت علام مايجري بغيب الليال = انت علام دورات السنه كل حول
بعد ذكر العظيم اقول في كل حال = ياصلاتي على وجه النبي الرسول
خير مرسول للامه ولابه جدال =اصطفاه الا اله وقبله بالقبول
خير مخلوق يذكر من عيال الرجال= سيد الناس فيه المدح والله يطول
ناصر الدين والله كمله بالكمال = راعي المنهج اللي جامعٍ للاصول
هادي الناس للدرب القويم العدال = وضح الحق للي في حياته جهول
دل باب الحرام ودل باب الحلال = حذر الناس غبت يوم شوفه يهول
اتباعه نجاه من الهوى والظلال = طاعته طاعة الله ياصحاح العقول
سنته تورد الجم القراح الزلال = السعد من قداها في جميع الفعول
الشفيع المشفع يوم طرح السوال = جعل عمري فداه وفدوته كل زول
لو بغينا نوفي ماجمعنا الخصال = يعجز الحرف والتوصيف صعب الحلول
مير صلوا معايه يوم جاله مجال = ياصلاتي على وجه النبي الرسول