تعديل من المصدر :
قفلـت جوالي وحطيت مــــوجــــــود *** من خوف بعض الناس يزهم عـليـه
ماني عـلى شوف أكثر الناس محدود *** مغنـيـني الـمـعـبـود رب الــبـريـــة
بعض الـعرب مايعرف النقــص والـزود *** ويشيل نفس(ن) كبر هضبة طميـة
حـاضِـره متذبذب وماضــيه مـجـحـود *** وفرقاه عندي مـثـل عيد الضحـيـة
ولـيا زعلت وضاق صدري وانــا حمود *** عطيت لي مـــع عبلة(ن) جرهدية
أرتــاح يوم القى بــهـا ريــحــة الـنـود *** اللي من أنـــواع التلوث نــقـــيـــة
أخـذ بــهـا ليلــة ويـومـيـن و أعــــود *** وارجع لها لا زاد هــمــي عــلـــيـه
والـفـضـل لـلـي مَـدتـه مالها حــدود *** الجيب واقف والــمـخـابـي مــلـيــة
لاناقص(ن) دنــيــا ولا قـصِّــير زنــود *** وش حاجتي باهل الـعلوم الــردية
اللاش لافـايد ولا جـايــب(ن) فـــــود *** لاجـايـب(ن) حـسـنة ولا رد سـيــة
الشاعر / حمود ناصر البدراني