كلمة اهالي الحفل التي قام بإلقاءها الاستاذ ماجد بن شمروخ البدراني
بسم الله الرحمن الرحيم
الحمدلله رب العالمين الذي أحسن خلق الإنسان وعدلة وألهمة نور الايمان فزينه وجملة وعلمة البيان فقدمة به وفضلة وأفاض علية خزائن العلوم فأكملةثم أرسل له سترا من رحمتة وأسبلة ثم امدة لسان يترجم عما هواه قلبة وعقلة ..وافصح بالشكر ماأولاة
وقولة من علم حصلة ونطق سهلة وجعل لة زوجا من جنسة
اية الاخوة الكرام. .
بأسم أبناء وأحفاد سروربن مزيد البدراني رحمة الله. .
ارحب بمن حضر هذا المساء وتكبد عناء السفر وأجاب دعوتناء فلة مناء جزيل الشكر والعرفان فانتم أهلا لاجابة الدعوة وصدورناء رحبة بحظوركم ..مقتدين بقولة تعال ( ياأيها الناس ان خلقناكم من ذكر وانثى وجعلناكم شعوبا وقبائل لتعارفو أن أكرمكم عبدالله أتقاكم أن الله عليم خبير.)
اية الاخوة الحضور في هذه المناسبة يستغل الإنسان تواجدة بين من يحب ليقف بينهم مذكرا وليس معلما لهم بل هم أهل علم ودراية ولايخفى على الإنسان ماأنعم الله عليناء بة من نعم وفضلناء على كثير من خلقة بالأمن والإيمان وصحة في الابدان وان جعل وطنناء هو قبلة للمسلمين ومهبط للرسالة فعليناء جميعاً ان نتكاتف سويا لدحر الشائعات المغرضه التي تمس امن الوطن وتتناقلها وسائل الإعلام المعادية لناء ..
وفي الختام لايسعني الا ان اقول.اهلا وسهلا بكم وبارك الله للعروسين وجمع بينهم بخير والحمدلله رب العالمين والصلاة والسلام على رسول الله صلى الله عليه وسلم
قصيدة الشاعر عبيد محيميد البدراني
انا تهيض خاطري للقصيـــدي=وقامت هواجيسي تجي يمي افواج
قامت تداحم بالضمير وتزيــدي=تصفق بغباته مثل صفق الامواج
لوكان مبطي مابدعت النشيدي=مبطي ونا عن ساحة الملعبه ساج
لكن عن ميقافنا مانــحــيــــدي=ماني من الي لاحتما موقفه ماج
دعاني الواجب لمحفل عضيدي=ونعم العضيد الي مثل عد هداج
الطيّب الي مايمد الــزهـــيدي=خالي زبون اللي من الضيم محتاج
يمد حبلن للمراجل جــويـــدي=ولاحط دون الضيف للباب مزلاج
مجده ومجد أبوه قبله تــليـدي=حرن يبشّر راعي العسر بفراج
اقدّم الترحيب باسمه واشيدي=في محفلن فيه الفرح نوره انباج
بللي تعنو من قريب وبعيــدي=يامرحبا ترحيبتن طب وعلاج
يامرحبا ترحيب نوعه فريــدي=يبني على سطح القمر صرح وأبراج
يامرحبا ترحيب كنز ورصيدي=اعلامه ترفرف على قمة سواج
يامرحبا ترحيبتن ماتبــيـــــدي=تبقى على طول الدهر نور وسراج
اقولها والله عليّه شـــهـيـدي= تشريف من جانا على روسنا تاج
والله يدبرنا على مــايــريـــدي=ونّه ينهجنا على خير منهاج
ويعز حكم مطوعين العنيـــــدي= ال السعود معدلت كل منعاج
اللي لهم بالحق سيفن حديدي=والحق حق وراعي الحق فلاج
تم الكلام ومرحبا من جديــدي=باللي لهم بالطيب مدخل ومخراج
ليلن جمعهم عندنا ليل عيــــدي=عم الفرح والنور بالحفل وهاج
=قصيدة الشاعر مانع عوض البدراني=
بديت بذكر علام الغيوب الواحد القهار=ولي العرش راع الملك ربً ما قفل بابه
اله الكون رب الكون عالم خافي الاسرار=له الحمد الكثير وخير ما نبداه نبدابه
بعد ذكره يطيب القاف ليه وانظم الاشعار=تداحم لي قوافيها لسبك البيت وطنابه
هجوسً ما تعودني بهالوقفه على المعذار=تشوش الليا انتخيت وتشعب الهاجوس وركابه
أسوق أبها الفرايد والفرايد منوة الشعار=ليامن ساقها عند الرجال اللي تهقوابه
هلا يا مرحبا ترحيبةً عندي لها مقدار=على سطح القمر تقراء حروف العز وكتابه
لها بين الكواكب منزله من شيمة الحضار=وغلاها عانق أنجوم السماء وتردها جابه
هلا يا مرحبا والعود الأزرق فوق جمر النار=يفوح امن الغلا بصدورنا والضيف يزهابه
نيابه عن عيال سرور قلته مرحباً مليار=عدد وبل السحاب اللي ديار الله تحيابه
عسى ربي يبارك بالحضور اللي وفاه أشعار=لهم والطيب من طيب الرجال اللي تسمابه
بيوت الشعر زانت بالقصيد وساقت الأفكار=تباها في حضورً يجمع الغالي مع أحبابه
تجمعنا على عز ومعزه والفرح تذكار=بفضل اللي عطانا خيرها من اوسع ابوابه
=قصيدة الشاعر بنيدر بدر البدراني=
اليوم ابشارك ربوعاً كلهم قد وكفو= لاعدو الوافين صارو في علو القايمه
يا عنكم ما دنقو بالواجبه والا هفو =جميع طنخات النشاما في كنفهم عايمه
قوماتهم تشفي الكبود وقبالهم لاوقفو=زواملً دائم على فعل المكارم هايمه
يا عز راسي ياسند يمناي ياللي شرفو =ياجعل جمعاكم على عز ومعزه دايمه
ولاهي غريبه نسل عوداً لو يقولون احلفو =تشهد له ارباع البيوت السود في قدايمه
والجار يشهد والضيوف اللي على بيته لفو = حتى شفا بيته لها بصمه على واليمه
كم مرتاً قال اقلطو و يا زينها لاخلفو = تسوى حياة اللي فلوسة في جيوبه نايمه
وعقّب عيالاً كلهم عند اللوازم ما اختفو = كلاً طموحاً للمكارم والعلوم الغانمه
والعفو يالحضار ثم العفو بالله العفو = كل الحمائل دون واجبها ماهي بمسايمه
وصلاة ربي عد من حجو ولبو واهتفو = على النبي المصطفى منا صلاة دايمه
=قصيدة الشاعر جهز عوض البدراني=
على الله نقول الشعر ونقدم الميسور=علشان دعوة من دعاني وتكريمه
والا يا قصيدي عزني واطرب الجمهور=ترى الناس تبغى طيب الصنع والقيمه
ترى الشاعر اللي ما معه وصفة الدكتور=عن الشعر لايدخل على الشعر ويظيمه
وانا جيت اشرف حفلة ابناك يا بن سرور=تشرفت في حفلاً يشرف معازيمه
على العذر ما نقدر ولو قيل لي معذور=لا ابو شارباً ما يلتزم في ملازيمه
اي والله جماعتنا هل البيرق المنشور=اي والله جماعتنا هل القدر والشيمة
اي والله جماعتنا هل الموقف المخبور=بدارينن علمً يرفع الراس تقديمه
على النعم نقدم لاهبا الهابي المثبور=كلن عليه شهود بانت مراسيمه
تفيد الجمايل ماتفيد العمي والعور=على الطيب نرفع واسط البيت والخيمه