(( حربي العزوه ))
حربي العزوه سعودي الهويه
وارثين المجد مع كل الفضايل
لابةٍ ياقف لها الماضي تحيه
في جميع المكرمات أحنا الأوايل
يوم كل فيه عادات وسجيه
الشجاعة والوفاء فينا سـلايل
للخوي والجار مقدار وحميه
والكرم والعفو في وقت الهوايل
لابة حازت ثناء افعالٍ قويه
والثلاث البيض للسائل دلايل
قبل توجد طائرات ومدفعيه
فعلنا معروف بظهور الاصايل
حافظين العهد والبيعه وفيه
مع معزي يوم توحيد القبايل
وعهدنا يبقى مدام النفس حيه
غير آل سعود ما نرضى بدايل
وذاعهدنا من العصور الاوليه
ما نخون ولا نحب اهل الرذايل
من يسالمنا نرد السلم زيه
ومن يعادينا نذوقه الذلايل
وكل شعب المملكه نفس المزيه
للبلاد دروع وسيوفٍ صقايل
دونها الارواح نبذلها هديه
محتمين حدودها من كل عايل
الوطن والبيت ومسجد نبيه
دونها الارواح ندفعها جزايل
حربي العزوه سعودي الهويه
وارثين المجد مع كل الفضايل
عبد العزيز الحريبي
شاعر وكاتب صحفي