[الــــــصـــقــــــر ....]

يامل قلب( ن) كل ماخيم الليل=واظفى جلاله فوق متن الطبيعه
تسري به الافكار و يحط وايشيل=وتضيق فيه فجوج نجد الوسيعه
من مقصد (ن) صكت عليه المحابيل=لوهو على هدي النبي والشريعه
عيـَّن عليه المقفيات المقابيل=ورى حبال الياس مثل الوديعه
عليه وجدي وجد من لاعه الويل=طـشَّـنه صروف الزمان الشنيعه
عود (ن) بعصره يفني الكنــََّّّس الحيل=وان عِـد عدوه العرب بالطليعه
من عقب ماهو مدهلا للمشاكيل=يذكر ويذخرللشدايد صنيعه
خلنه الايام ماعاد به حيل=خريف عمره حل واقفى ربيعه
يهوم في باله بليا محاصيل=و ليابغى له شي مايستطيعه
اكبرعياله من حساب المهابيل=واصغرعياله فاجر(ن) مايطيعه

شعر/علي زيد البدراني