يوم الخميس آخر عشر شهر شعبان.... لاكيف حالي كيف لاويش لوني
ضاق الفضا والكون غاشيه دخان.... غطا سمايه وأظلم لكون كونـــــي
بالعين شفت أنواع وأشكال الاحزان.... ودعت لأبنا عمي وودعونــــي
ودعتهم بأمر وقـــــدر عالي الشأن .... والناس للاقـــدار مايمنعونــــي
ودعتهــــم توديــع دايــن لديــــــان .... توديعة اللي مانوو يرجعونـــــي
أمس أمس قلي ويش قلنا ياسلطان.... واليوم ماردو على تيلفونــي
عزاه ياقلبن من الحزن مليــــــان.... ومازاد عن قلبي تجيبه عيونـــي
أعوذ بك يارب من كل شيطــــان .... أعوذ بالله يـــوم جنت جنونــــــي
عيال عمي وأعتبرهم لي إخوان.... وعيال عمي مابهم من يهونــــي
عجزت أصدق لين شافن الاعيان.... وقامـــو عليهم بالثرا يمايلونــــي
ناديت بأعلى الصوت يافلان يافلان.... الشكوى لله مير مايسمعونـي
البعد ماهو بالمسافات يااخــــوان.... البعد حال اليــــوم دونه ودونـي
يالله بدعوة مؤمن سر وإعلان.... من قلب صادق علّهــم يرحمونـــي
يامبدلن سوء الخطيات بإحسان.... إغفر خطاهـــم يالإلـــه الحنونـــي
جلّا جلال الخالق الله وسبحان.... سبحان من له في الخلايق شؤوني
أبو زياد اليوم ضيفك يارحمان .... ومهنـــد وخالـــد معـــه يرحــلونـــي
سايلك غفرانك وعفوك يامنان .... ومن جنتـــك يـــارب مايحرمــونـــي
وبالموقع اللي تقشعر منه الابدان .... انك تثبتهـــم لجــو يسألونـــي
وأكرم نزلهم في وطن خير الاوطان.... وأخير من دارن بها يسكنوني
وافتح لظلمتهم برحمتك بيبــــان .... بالفترة اللي باللحد يمكثونــــي
وألهم محبيهم لصبرن وسلـــــــوان.... يالعون ماغيرك يارباه عــــوني
هذي هي الدنيا ومن ماض الازمان... تلعب على الوجهين شكلن ولوني
اليوم تصفـــي لك على كل الاوزان.... وبكرة عليك مخيبة للضنوني
راضين بالمكتوب لوكان ماكــــــان.... اللي من الله منه لا تزعلونـــي
الموت هو سكة عبورك يالانسان.... اللي سلك واللي يبا يسلكوني
لكن عسا الرحلة لياجت على ايمان...في جاه من فيه العرب يلتجوني
رحمتك يالله عند روغات الاذهان.... لجو ملايكة العمــل ثم دعونــــي
راكان بن زعل بن شائع البدراني