مساكم الله بالخير
قصيده للشاعر/فهد بن عبدالرحمن بن نايف بن راجح يهديها لهذا المنتدى ومن قام عليه وبيض الله وجيه الجميع
وسلامتكم*******************
يقول ( النعم ) سامعني ليامن قلت بدراني=ايقوله في ضميره كان ماقاله يحاكيني
بدون أمرن من أفكاره يقوله قلب ولساني=لوانه بيننا السيف الحدب وأكبرعدوّيني
كمنا اكرام في سوق الكرم من ماض الازماني=ليا أعطينا العطيه مانبي فيها مثاميني
وكمنا فالحرايب من قديم الوقت فرساني=نوردها حياض الموت ونرج المياديني
نفك البل نجيب البل من القاصي مع الداني=نبيع الروح دام الروح ماتضمن مضاميني
وكمن اللي معادينا ليا ماعلق العاني=علينا جاه منا ماينكد عيشته زيني
وكمن الضيف نذبحله من الابل حيلن سماني=وكلن له مقاديرن وتقديرن وتثميني
لنا للضيف مفتوحه مجاليسن وبيباني=يساق الكيف فيها سوق والعود بمداخيني
وكمن الكيف حنا اهله وله في روسنا شاني=ولو هو ينقطع عنا تقولنّا مجانيني
وكمن الزابن ان جانا لقا بالعون مزباني=نحفظ الزابن ليا من زبنا داخل العيني
صناديدن طحاطيحن وساع طعون ضلعاني=منوخة المعاديني مرجحة الموازيني
قواطيعن صواريمن زحول سباع شجعاني=مقابسين مدابيسن مكاريمن سلاطيني
وانا باقول ياهل المنتدى مبروك انا جاني=خبر عن مافعلتوا يجمع اللي شتت البيني
ابارك ثم ابارك عد ماهلن الامزاني=ابارك للنشاما دون تخصيصن وتعييني
وانا منكم وفيكم ياولد ياللي تحراني=أبااعن المطيه يمكم لو ماتناديني