عرض مشاركة واحدة
قديم 01-04-2009, 09:27 PM   #1
معلومات العضو
افتراضي يهز غصن الرجاء نسناس

يهز غصن الرجاء نسناس = واجمع لك الدمع من خده
مرات احس بتعب وعماس = يعاود البال من مده
لا باس يا خاطري لا باس = السيف ما يجرحه حده
والقلب لولا عليه اقواس = لا فز بعروقه تصده
يمديه لا هزه الهوجاس = يشقق القلب ويقده
لي صاحبً ناعمً حساس = أغليه بالحيل وآوده
في عيونه عيونه النعاس = يبني لي الشوق ويهده
والظبي والليل والقرناس = وما لا اقدر احصيه واعده
يقولي في حشاه احساس = ماني بكبره ولا قده
ويقول آحبك واحس بياس = والامر ما هوب في يده
قلت آآآه يا المطرق المياس = من طاري البعد والصده
يا ليت يجمع قلوب الناس = آشباه والضد مع ضده
وآحبك ا بها بدون قياس = لين العمر ينتهي حده
يا زين ما فالبعاد اوناس = ان كان لي في كفك تمده
عطني لعيني بعدك نعاس = لا تاخذ النوم وتلده
وانا اوعدك واوعد القرطاس = بالحب في اللين والشده



للشاعر/ نايف صقر







مشاري البدراني غير متواجد حالياً   رد مع اقتباس