[عبدالمطلوب مبارك البدراني]

[

size="5"]

لا زريت لاتكمل بيوت القصيــده ××× وتبي تكملها بشين ماهو بـــــــلك

اسرق لها بعض البيوت الفريــده ××× اضنها ترفع مقامك ومنــــز لك

واطلع على الساحه وخلك وليــده ××× على الهواء قلها وطور موهــــلك

تصير شاعر والمعاني مفيـــــده ××× تراسل الشعار ويضـا تراســـــلك

وان جاك راعيها حياتك زهـــيده ××× ردد على ماقيل ياليل ماطـــــولك

وياويها من فرصتله سعيـــــــده ××× لا والله اللي بالجماهير فشــــــلك

وصعرت خدك للكفوف العديـده ××× خلاك ماتلد النضر غير لسفـــلك

وغديت مثل الضب ياكل رديـده ××× بالمجتمع معاد به ناس تقبـــــلك

مانته بشاعر ياعساك الفقيـــده ××× أنت الحرامي واكثرالناس يــرذلك

فعلك إينافي للصفاة الحميـــــده ××× واللي حصلك من سبايب فعايلــك

شعر النبط ماكل شاعر يجيـــده ××× وهايب(ن) ياتي بها مالك المـلك

بصدور ناس(ن) ما نفتها العقيده ××× ولا انت صدرك مابه إلا مشاكـلك

شرواك مايقدر يقرب بعيـــــده ××× دام القصيد وماحوى الشعريجهلك

حاول تصفح كل يوم الجريــده ××× يكفي ظهورك بالقناه وتطفلـــــــك

الشعر يبغاء شاعر(ن) ما يكيده ××× يبغاء مثل صاهود مشعل إيعدلــك

خذ راي مثله واقتبس من جديـده ××× يمكن برايه قمة الشعر يوصـــلك

بالعمله الصعبه تزايد رصيـده ××× بأصعب عموله مايهمه تعامـــلك

الشاعر ابو عادل

يعطيك العافية ابن شباط

وصح لسان الشاعر ابو عادل قصيدة رائعة وجزلة

لك فائق التحية والتقدير