اقتباس:
المشاركة الأصلية كتبت بواسطة محمد بن جعيثن
بسم الله الرحمن الرحيم
كتب الشاعر والعميد خلف بن ذعار الوهبي هذه االقصيده المعبره
ياصاحبي تنشد تبي قصة حبيش=حبيش عاش الفقر واليتم هده
الله قسم له من بعد حادث يعيش=في حادثٍ مابين مكه وجده
الأم راحت ماكتب لمه تعيش=ومات الحنان اللي من أول يوده
أربع سنين العمر طيرٍ بلا ريش=والخامسه جت خالتن مستبده
غذّي على القسوه وصلافة العيش=في كل وقت ودمعته فوق خده
لاشفت لبسه كنه من الدراويش=إيجاب له ثوبٍ ولاهو بقده
من كثر مالاقاه من زود تهميش=كم ليلتن بالدمع بل المخده
فكر وقال أشري حمامه ولو بيش=يبدي لها من ضيقة الصدر سده
رجع لقاها جالسه تنتف الريش=وش حيلته لو كان ماهو بوده
حتيش لو يشكي على أبوه حتيش=عن مايبيه حبيش دايم يرده
كبر حبيش وسجل حبيش بالجيش=بالعسكريه بين ضيقه وشده
جندي خفاره مطنشنٍ حيل تطنيش=ولاقيل للعريف لو يوم عده
وفجأه وهو جالس بوقت المغابيش=جاله صديقٍ من زمانٍ يعده
شابٍ نشأ وسط الرجال المداغيش=وقد صارله بمصاحب حبيش مده
وتشاركو بتجارةٍ وأصبح مريش=وعطاهم الخلاق من جود مده
وجته المكاسب مثل وبل المراهيش=يمشي لحاله بسهلتن مجرهده
دايم مقيم ولاعرف للمطاريش=مرتاح من زود التعب والمكده
يلهيه وسط البيت زين العكاريش=بنت الذي ضمن المطاليق عده
والآدمي وقته يجي فيه تشويش=والناس ماأعطاك الولي ماترده
وشكرا للاخ العميد والشاعر خلف على تواصله مع منتدانا
الشاعر / خلف ذعارالحربي
ولكم جزيل الشكر |
يعطيك العافية ابو عبدالله على المنقول الرائع قصيدة رائعة صح لسانك ولسان شاعرها
لك فائق التحية والتقدير