[محمد عبدالمحسن البدراني]

محمد عبدالمحسن البدراني]

	سلاااام يالنشاما . . مقدمه قد تكفي عن المقدمه يدورن الليالي والغلا بالقلب مايهتز=غلآ به مرمسن مده وجى من طير غباره انا مالوم قلبن يوم نادوا بسم خلي فز= ولا يالشعر دق السلف ونالك بمسك الطاره http://albarz.net/upload/uploading/noof.rm هزتني الذكرى بطاريك يانوف=وجريت لي ونه من اقصى المعاليق يسقي زمانن فات يازهرة الجوف=يوم القمر ساطع بليل العشاشيق يانوف كلن في زمانه له ظروف=وتحده الدنيا على غير مايطيق اليوم دونك شبك وارخاية سيوف=مع وقفتن فيها يبى ينشف الريق وعن ماتريد النفس نوخني الخوف=خوفي من الله ثم حكي المخاليق اللي ليا شافوا على الغير صادوف=على الصفا يلقون للهرج تعليق والشوك لامنه نشب داخل الصوف= لازم يمزق جسم راعيه تمزيق يانوف انا معروف وابوي معروف =من ماكرن مجناه روس الشواهيق ماني معزب والخطايا لي ضيوف=ولاني هدف لملصق الهرج تلصيق والذيب لوهو كل ليله يبى يحوف=لابد ماتعثره سهوم التفافيق من بندقن مامدها اللي يبى يروف=ينقش بها الأبره ومن صابته عيق ولا الغلا منقوش في داخل الجوف= ولاني من اللي ينقضون المواثيق يابو نهودن تو زمن ووقوف=يابو خدودن مثل ريش الغرانيق يابو ردوف فوقها الخصر ملهوف=يابو جديلن مثل شمس التشاريق ياعنق ريمن قادله جولة خشوف=برضن كساها الله بنبت الزماليق غلاك والله لافنى يالغلا لوف=وانشهد انه طوق القلب تطويق سريت ليلي مع نغم جورج وسوف=أهيم مع طيفك واجر الطواريق و تطرقني الذكرى كما طرق عاصوف=لغصون سدرن ليناتن مواريق في سجن حبك صرت يالترف موقوف=حاكمتني من دون تهمه وتحقيق و تراي فيه بخير لو كنت مكتوف=مادام بيبانه بوجهي مغاليق..