عرض مشاركة واحدة
قديم 12-08-2017, 11:42 PM   #1
افتراضي قصيده القيمنها في حفل فهد وعايض أبناء شجاع البدراني .عبدالعزيز سعيد البدراني بالمدينة

قصيدة القيتها الليقصيدة القيتها الليلة في حفل فهد وعائض أبناء محمد بن شجاع البدراني وعبدالعزيز سعيد البدراني في قصر نيارا بالمدينة المنورة

سلام الله سلام المسلمين ابدا به الأشعار
سوات الغيث وإن هلت مزونه كل عصريه
اذا جاني دعو ربعي حرام اقدم المعذار
يا لو تبعد مسافات الطريق أحسبه شويه
ولا أحسب للطريق اللي يصلهم لوفيه اخطار
لهم واجب علي وحق يجبرني على الجيه
عسى ربي يبارك في فرحهم عالم الاسرار
ويسعدهم عظيم الشأن ربي عالم النيه
ألف مبروك ياعايض عدد ماتنبت الاشجار
وعسى ربي يبارك للفهد ويسعد لياليه
ونبارك للقرم عبدالعزيز إعداد طير طار
عسى عين الحسود أبها الرمد عن السنافية
وباسم اهل الوفاء يا مرحبا مليار في مليار
عدد ماهلت ثعول الحياء بارض سناويه
على كيف يدار وعود ازرق للرجال يدار
تراحيب بكل اللي حضر واهل المعزيه
وباسم الربع ارحب ربعي اللي يشعمون النار
كعام المعتدي ماهمهم لو تكبر الهيه
بدارين اذا عدوا رجال العرف والاذكار
رياجيل الشجاعه والوفاء اللي نارهم حيه
من عصور القدايم لابتي ضد وعمى الاشرار
ويشهد في فعايلهم نهارٍ بالهميلية
نهار ان المعارك دايره والجو صار غبار
جيوشٍ جات تبي البل مير البل محميه
وقف شيخ القبيلة موقفٍ تشهد له الاقطار
قروم للعدا ما عندهم بالقلب ماويه
سلايل حرب ضد القوم قوم يحتمون الجار
حماة للخوي واللي مواقفهم بطوليه
ترى ذكر البلالي بالوفاء والطيب صارشعار
يقدم نفسه فدا للخوي ما احد فعل زيه
ودخيل الحربي معزز مكرم مايجيه أضرار
وسجلها نويشي مفخرة للكل مرويه
بدون قصور في كل القبائل طيبين الشار
علوم الطيب ماتقصر عن القوم الشميميه
و يا الله يا عظيم الشأن ياعلام ياغفار
لتحفظ خادم البيتين عز للسعودية
صليب الرأي رجل الحزم رجل العزم حام الدار
ذرا للعرب و الإسلام وأن شب العدو ضيّه
وولي العهد ابن سلمان درع وللبلاد ستار
دعينا يحفظه رب الخلق سر وعلانيه
واختم بالصلاة على النبي محمد المختار
رسول الأمة ابزكى الرسالات السماوية

عبد المطلوب مبارك البدراني


















التوقيع

يـا عــيــن حـــــذرا لايــجـــي خـــــدي الـــذرف
عــلـى االـمـقـفــي مـا لـحـقـنــي حـسوفــــــــات
ومــن لا حـسـب لــي بانفـلـه نـفـلـة الــــزرف
لا صــــار فــاضــي مــــا يــخــوض الـمـهـمـات

عبدالمطلوب مبارك البدراني غير متواجد حالياً   رد مع اقتباس