عرض مشاركة واحدة
قديم 24-05-2014, 03:22 AM   #1
معلومات العضو
فهد نفيع البدراني
مشرف
إحصائية العضو






آخر مواضيعي
افتراضي شبــــيــت نـــاري

شبيت ناري يوم جات التفاكيـر
حكرت لي فنجال بنٍ مقنّد

بنٍ يقدّم للوجيــه المسافيــــر
على وجار العز دايم يسنّد

كيـفٍ زهت فيـه الدلال المبــاهيـــر
ماله شبيهٍ في حلاياه والنّد

واخذت مع هوجاس فكري مشاوير
مرة يحدر بي ومرة يسنّد

اسري على كيفه معه دون تبرير
واصبحت في طوعه وحكمه مجنّد

مدري علامه مايمسيني بخير
وليا نصحته صد عني وعنّد

يبدل افراحي ويفـرح بي الغيـر
وتأسرني العبرة بسيفٍ مهنّد

جهلت في بعض الليال المدابير
وعطتني الايام درسٍ مفنّد







التوقيع

فهد نفيع البدراني غير متواجد حالياً   رد مع اقتباس