السلام عليكم ورحمة الله وبركاته
ومساااء الخير للجميع
قصيده ترحيبيه بمناسبة الحفل اللذي اقيم تكريما للمقدم /سياف بن محيا العتيبي ..
حيث اقامه الاخ /سعود بن علي بن شليويح البدراني تقديرا ووفاء لوقفة زميله سياف هو ومن معه من زملائه العتبان اثناء مرضه
ايضا شمل التكريم الدكتور فايز بن موسى البدراني على مجهوده اللذي بذله لعملية الاخلاء الطبي على متن طائرة الااخلاء الطبي.
. ايضا الاستاذ فيصل عايش البدراني و شخص اخر من قبيلة الغيادين لايحضرني اسمه وبيض الله وجيههم جميعا
وسيتم نشر الحفل كاملا هنا وسيتم التطرق لذلك بالصور والفيديو.حسب ماافادني به صاحب الحفل..
ولكم مشاركتي بذلك
بالمواقف يظهر الرجال وتبين الفعول=يعرف السيف المجرب والكديش من الحصان
الجمال تشيل ماتشكي ثقيلات الحمول=ومايتوخرباللوازم لانصن الا الجبان
والثنا عملة وفا بين النشاما له قبول=مايمده مايرده غير خطلين اليمان
مرحبا بسم القبيله حرب ربعي جيت اقول=جيت ارحب والثنا مردود والطيب معان
مرحبا ترحيبن احلا مـن دريـر ام الكثـول=مصغرا ترعى الشقارا ونبت ربل وقحويان
فـي فياضـن كنهـن مفرشاتـن بالزلـول=لاصطفق فيها النبات اللي زمى وعرقه ليان
تقطف ارناق الخزامى مع مداريج السيول = تحت ظل السيف تمشي مع جنبهـا ماتهـان
الليالي تطرد والحي تاليته يزول=والرجال ثنين كلن حسب فعله له مكان
واحدا في فعله ووقفقاته رقبته تطول=وواحدا عاف الصعود وهان نفسه بالطمان
وانت ياسياف بن عفاس يانسل الزحول=جعل جدانن ورثت الطيب منهم بالجنان
تستحق المدح ياراع الوفا وراع الاصول=امدحك وابى امدح العتبان مروين السنان
يوم مرض سعود والهاجوس في صدره يجول=ياخواياه الكل منكم موقفه لسعود بان
ياعتيبه موقفن حزتوه لايمكن يزول= كاسبين الطيب هالحينه وفي ذاك الزمان
يوم صلفات الليالي والحدا فوق الخيول=والسيوف الحدب والشلفا الصليبه والعنان
كل لابه فيه قد دقت على الحرب الطبول=تفعلون ويفعلون وكل راسن له كيان
ماضيا عن حاضره سيف الموحد له يحول=املحن من ظرب حده بدل الخوف بامان
طوعوا فيه الجزيره مثل تطويع الذلول=وكل قاسي مع معزي عودة عشره ثمان