[خوي النشاما]

اعزائي الكرام

السلام عليكم ورحمة الله وبركاته


يسرني ان انقل لكم قصيدة الاخ محمد عبدالمحسن البدراني الحربي مشرف لحن القوافي بمجالس حرب وبالحقيقه هي قصيده مؤثره ولها موقف مؤثر كذلك اترككم مع القصيده نقلا من مجالس حرب

يقول محمد الحربي:



البارحه ليلة السبت 31/12/2005

كنت معزوم عند رياجيل وأثناء السوالف شد انتباهي شخص بالتلفزيون متأثر ويمسح دموعه بطرف كمه وقمت من مجلسي مذهول ونصيت الشاشه من دون شعور وحصل ماكنت اتوقع.....



وهو حزام بن عبدالله الحريص المطيري يبكي على فقد اخوه اللذي استشهد برصاص الارهابيين بالقصيم رحمه الله
كلمته بالتلفون ولم يستطع الاجابه علي يوم سمع صوتي
وهو احد الشعراء اللذين تربطني بهم علاقة خوه ووفاءبمنطقة الاحساء..

حزنت لذلك وعبرت بهذه الابيات










فزيت فـزة قريـص الـداب وانيابـه
الصل الاسـود بساقـه دافقـن سمـه
من مجلسه فز مير انهـارت اعصابـه
من عقب ماساق سم الـداب فـي دمـه
وقفت مذهول اشـوف العلـم واسبابـه
والدمعه اللي مسحها حـزام فـي كمـه
دموع عينـه علـى الشاشـات سكابـه
والعبره ليـا هـرج تغشـاه وتخمـه
يبكـي علـى نـادرآ قفتبـه ركـابـه
اخوه...ماهـو ولـد خالـه ولاعمـه
الحـزن خيـم علـي وشـرع ابوابـه
وشلون...(وحزام اخو ويهمنـي همـه)
كن النـداوي ينـوش العيـن مخلابـه
لاشفته وشفت ابـوه الهـرج مايتمـه
الله يجبـر عزاكـم فـيـه يااقـرابـه
ويجبر عزى مطير باللي صان للذمـه
موتت شرف موتته يوم القـدر صابـه
لومات يبقى اسمه يرفرف على القمـه
والله يلعـن هـل التكفيـر واذنـابـه
اللي يجـون بخفـى والنـاس ملتمـه
اللي للاسـلام واهـل الديـن حرابـه
افكارهـم بالجهـل والخبـث منسمٌـه
فتـح لهـم خبثهـم للـنـار بـوابـه
وصاروا على ارض الجزيره فتنة الامه
وحنا لهم كـان نـار الحـرب شبابـه
يلعنـك ياشلـتـن للفـسـق ملتـمـه
والله لـو المـواجـه ينفـتـح بـابـه
مامنهـم اللـي يعـود سالمـآ لـمـه
لكـن علـة بطـن مالنـاس تدرابـه
الا ليافجـر اللـي بنـارهـا تعـمـه