تسلم اخوي محمد وصح لسانك وعلا شانك ولاهنت وكل عام وانت بخير وعيدك مبارك
هيضتنا وحبيت اشاركك بهالابيات
العلم صار وكل ماصار باحكام .... يوم العرب كل يعذرب خويه
من عام الاول والعدو يفرض احكام .... ومن يوم حطو كل راعي رديه
بارض العراقي صارله عدة اعوام .... يامر وينهي والبلد فوضويه
هذا هو المقصود واللي بالاقلام .... معاههدات نفذت بالخفيه
تجمعوا ينوون بديار الاسلام .... اهل السلف اتباع سنة نبيه
ياصاحبي لاتشتكي القلب منضام .... ماينفع الصوت لافات حيه
النصر مايجلب على شاشة افلام .... غزو الفضاء حطم رجوله وحميه
الامه اللي صالت اعوام وايام .... وراياتها فوق البرايا قويه
صارت تداعى مثل قوم على ايدام .... قول الصدوق المصطفى للبريه
السالفه ماهي بيوم ولا عام .... والسالفه ماهيب عيد الضحيه
السالفه تحكى وتروى بالاعلام .... حقايق بانت سنين خليه
يامجد وينك نندب بعزك اثام .... صارت توسمنا وسوم المطيه
وياديرتي ياديرة اقراب واعمام .... المملكه عن كل كافر عصيه
مصيونة عن كل حاسد ونمام .... وعن كل عابث نحتميها فدويه
وعبدالله اللي بالملمات ضرغام .... اسد الاسود اللي يقود البقيه
انشهد انه ماتوانى ولانام .... ابن السعود اللي حكمها نقيه
ترفعله البيضاء مع كل الانام .... رجل حكيم وتفتخربه رعيه
وان قال سيرو ياهلا وسبعة انعام .... اهل المراجل والعزوم القويه
واختامها افضل صلاة وسلام .... عداد ماهلت مزون نديه
على محمد الهادي الامام .... اللي بدينه حطم الجاهليه
وتقبل تحيت وسلامي
اخوك عبدالعزيز البدراني