[متعب عيد البدراني]

قصيدة لشاعر الكبير \ سعد بن جدلان

علم اللي كـل يـوم ٍ يقابلنـا بثـوب
مـا يخدرنـا كلامـه مـع مـن خـدّره
إن لقينا اللعب نزحف مـع جـو ٍ لعـوب
و ان هبطنا سوق طيـب ٍ خذينـا نـدّره
العرب ما هيب تعلـم مسـدات الغيـوب
وارد المـا مـا يدلّـه يكـود مصـدّره
و لا تجيك الحصبه إلا من فراش محصوب
وحبة الجدري تجي من فـراش مجـدّره
و المحب اذنيه ماهيـب تسمـع للعيـوب
و العدو لا درهمـت بـه تجـي متحـدّره
دامت الأخلاق يملك بها الواحـد شعـوب
ياجب انها فـي جميـع الامـور مبـدّره
و ان لقيناها طويله و موخرهـا سحـوب
و المـرض فيهـا فحولـه تهيّـج فـدّره
ان قدرنا نقفل الباب مـن دون الهبـوب
ولاّ جـا درب لنـا و القنـي مـسـدّره
الأصايـل كـل يـوم تلافـح بالكعـوب
و الـردي لا عيّـن اللـي يهينـه قـدّره
ولا تعرف حسابك إلا ليا صرت محسـوب
وشرهة القـادر علـى العالـم المتقـدره
فالمقابـل تنفتـح لـه دواليـب القلـوب
و المقفـي قلعـة الـوادريـن تــودّره