لاتعتذر واللي حصل منك يفداك=اقبل بوجهك والزعل فدوتلك
ماهمني ماقلت انا همي ارضاك=رفعت نفسي عن كلامك ارضلك
تعال ابشوف الغلا في محياك=لاتحرم المشتاق من نظرتلك
اضحك وخل الهمس يختال بشفاك= فرحة مساجين الغلا ضحكتلك
اعمر بساتين الحشالاعدمناك=تراه مهما كان في حاجتلك
لاصاح جرحه وابتعد عنك ناداك=وان قلت تبغا حاجتن قال كلك
جاوب على زفرات قلبٍٍ تباطاك=مشاعره عقب البطا عودن لك
لوتسمع الهاجس ليااوحيت طرياك=يرقص خفوقي بالغلا حشمتلك
لاتنحرج ياناعم العود حياك=اقلط ودش ابخافقٍٍ مايملك
يامرحبابك كثر قلبٍ تمناك=ولانت ابغريب الياجلست ابمحلك
على سلوم اهل الوفامد يمناك=وانا على وضح النقا صافيلك
للشاعر /// مجعد متعب الرشيدي