ياهم ياللي في خفا خافقي طلت = ارحل ترى منصور قرب رحيله
ياهم جاني ماكفاني وحصلت = جسمي قضى وعظام جسمي نحيله
ياهم انا اخفيتك بصدري ولازلت = اخفيك خوف اهل النفوس العليله
اخاف قول اللي يقولون لوقلت = اللي سوالفهم عراض وطويله
لو حملو سلمى مثل ماتحملت = صاحت لجاء من جور حمل(ن) تشيله
ولوان سنجار الجبل شال ماشلت = مبطي شكى ضيم الحمول الثقيله
اصبر ولو شفت الزمن مال ماملت = واقول يمكن يعتدل عقب ميله
الشاعر منصور بن سعدي الرمالي رحمه الله