عرض مشاركة واحدة
قديم 14-04-2017, 01:58 AM   #1
افتراضي الشيوخ اللي لهم مكانه ومنزالي !!

قصيدة بناسبة زواج .. مشعل وحاكم : ابناء الشيخ بنيدر بن مريبد بن هنود ..

ابتدي بأسم الله اللي عالم الاحوالي
العليم بسر خلقه ماش شيء يطوفـــه
ابصْخّر قاف صافي مثل در حالي
الهجاء ماهو بعاصيني واعرف حروفه
دام حان الموقف اللي يجبر الرجالي
أنــــه يجيب الفرايد كلهــا مصفوفـــه
ياسلام الله على شيخ مقامه عالي
من سلايل بن ربيق اللابه المعـــروفـــه
الشيوخ اللي لهم مكانه ومنزالي
منزلٍ عند الثرياء كل شخـــص يشوفــه
شيخةٍ يشهد عليها الاولي والتالي
بالزمان الي مضى اللي متعبات ظروفــه
الزمان اللي مضى رجليه وخيالي
مع صهاصيهٍ خليــه والسباع تحـــوفـــه
ياوريث المجد مجدٍ ماعليه جدالي
يوم جاء عبدالعزيز ابوك ضمن صفوفه
رافع البيرق مريبد بالعداء مايبالــي
يوم بعض الناس ما يقدرعلى مصروفه
الف مبروك الله إنه يسعدك يا الغالي
والله أنه يجنبك شر الزمن وصدوفــه
ومشعل وحاكم عساهم في سعادة بالي
الفرح عم القصر وعم كل ضيوفـــه
ياسلايل لابة الامجــاد والابطالـــي
حرب حرب اللي يعاديها المنام يعوفه
الشجاعه ورث تلقاها مع الابطالي
والكرم والطيب فيهم نادرات وصوفه
والقبائل كلبوها للجزال تطـــالي
وكل رجل اليا حضر يعرف مكان وقوفه
ويا كريم نلتجي له من هموم ثقالي
أحفظ السلمـــان ملــك ناديــــات كفوفــه
وكان ماندعي لرجل طيب الافعالي
القصيـــدة كلبــــوها مــــاهي بمخلوفـــــه
وبالصلاة على محمد باختم الامثالي
عد من جاء البيت محرم بالحرم ويطوفه

الشاعر / عبدالمطلوب مبارك البدراني







التوقيع

يـا عــيــن حـــــذرا لايــجـــي خـــــدي الـــذرف
عــلـى االـمـقـفــي مـا لـحـقـنــي حـسوفــــــــات
ومــن لا حـسـب لــي بانفـلـه نـفـلـة الــــزرف
لا صــــار فــاضــي مــــا يــخــوض الـمـهـمـات

عبدالمطلوب مبارك البدراني غير متواجد حالياً   رد مع اقتباس