[خالد]

بسم الله الرحمن الرحيم
طواريق وشيلات مختااره للشاعر جهز عوض البدراني :+
والقصائد موجوده في الديوان .

شيلة للشاعر جهز عوض البدراني
- الوالدين -

شيلة - يافرحة العيد



جهز البدراني.

ياللي تريدون السوالف والعلوم=سلام مني والسعد بقدومها
اليا لقيت سهيل مالي بالنجوم=هذي علومي والعرب فعلومها

زيد المطيري

ياللي تريدون السوالف لي لزوم= يامرحبا ترحيبتن من قومها
سباح في جوف البحر دايم يعوم=والسالفه في سالفه ياقومها

جهز البدراني

اللعب يعرف بالدفاع وبالهجوم=وانته نزلت المعركه وسهومها
يالله عسى راسك على الشده عزوم=وتجيك ناس ً تدخلك بكمومها

طاروق اخر :-

عبدربه الجهني

الليله العمله سعوديه على النهج القديم=اثر جهز عنده علوم ومستعد يقولها
امن المدينه جابنا الله عندكم يا اهل القصيم=الله يبارك بالرجال اللي تشيل حمولها

جهز البدراني

الليله العمله سعوديه ويالله ياكريم= انه يبارك بالرجال اللي تبين فعولها
امن المدينه جابك الله بين شمس وبين غيم=تطولها والا عساك تروح منت بحولها

طاروق اخر:-

جهز البدراني

يا سلامي وربعي تأسم المطرقين=شجرتن بالمعزه مالت اغصانها
الذبيحه كلوها العالم الاولين=مير ابنحى جهينه يم جهنانها

مسعد القصيري

تأسم المطرقين وتفهم العلم زين= وان بغيت السلامه عان بيبانها
الذبيحه كرامه للحسن والحسين= كان فاتك لحمها جر كرعانها

طاروق اخر :-

جهز البدراني

مطير جونا مرحبا يا مطير=هاتو لنا دله وبرادي
يالله عسى الطرقه بداية خير=وش عندكم ياعيال عبادي

محمد براك

مقيط هو ورشاه وسط البير=لو حرب معه تصيح وتنادي

من موالات شاعرنا:

مرحبا بالجماعه مرحبا بالجميع=ليلتن من ليال العمر زهرة ربيع
الوداعه تراها في يدين الوديع =ارعدي يا سحابه وابرقي واستهلي

موال اخر

يامرحبا ترحيب غالي بغالي=في ليلتن من طيبات الليالي
في حفل ربعاً يحتمون التوالي=هذا الصحيح وقولو اللي تقولون

وقريباً ان شا ء الله الطواريق كامله ترونها في قناة البدارين يوتيوب صوت وصوره

-يتبع