[علي زيد]

شرد الفكر ترتع في شبه مستحيل == مـــايجيها الخيال اللي قصيرٍ ٍ مـداه

كنها الصــيد تجفل من مقيل لمقيل == يتعب اللي طردها مــا تحــقق مناه

ميرمــاهـرخيالي حـر مــاهـــو ذليل == ماش شي ٍ عن اللي يهتويه يحـداه

كل مـاطلقت مسباقـه يصيد الجزيل == الله انـه من عيون الحسـود يـحـماه

مـالقيت بـزمـاني غيـرطـرقه خـليل == اشرح اللي بقلبي له واشيد بـوفـاه

اهـل النايبات اصـبح عـددهـم قـليل == ياعسى الوقت مايطحن عليهم رحاه

وياكثرمن ضحـك سـنه وقلبه عـليل == ماتمادى معه من شان مابحث خفاه

أدمـــي ٍ بــزوله مـيـر عــقله هـبيل == كل مــازدت مــعه بطيب زاد بـــرداه

غـلطتك مـعه لوهي مثل مد البخيل == مـــاتوق الضــروس ولاتــبل اللهــاه

يعــتبـرهـا كبـيره مـالها مـن مـثـيل == كـنها كوكب ٍ طـم النجــوم بضـــيــاه

مع طرفها عليك يشيل سيف ٍصقيل == لــو هو رويبضه قدره معك قدرشاه

دمــه ليا هـدرته شـلت حـمل ٍ ثـقيل == وان تـركتـه تــمادى واستمر بخطاه

والعــوارف لــك يقولــون صبرا جميل == وصــبـرا يهين راسك يلعن الله ثـواه

فيه عبره للاحيامن شمـــوخ النخيل == واقـف ٍ كــبـريـــا مافي عروقه حياه

والامل لـو يطول الاجل ماهو طويـل == والـدهـر مانـعــرف اللي يخفي وراه

لو يـعمـر ابن ادم مـقـتـفيـه الرحيـل == يـنتـهي مـن حياه ويبتدي في حياه


عـــلي زيــد