يا ملّ قلبٍ فيه نشوه ونوماس = يلعي ويدعي من يشاركه ويصيح
بين الرجا والياس وجروح الإحساس = دارت رحا الهوجاس مع هبّةَ الريح
مع الشقا والهم نزّاع الأنفاس = همّي تورى في لحون وتباريح
غصون قلبي صارت اليوم يبّاس = شحّ المطر والمزن عنها مراويح
ترعد وتبرق صوتها رنّة اجراس = شُهبٍ بردها يحرق الورد والشيح
فيه الندى نارٍ وفيه الجفا ساس = ومنه الهجر سنة صلاة وتسابيح
يابس خضرها من تفاعيل جسّاس = حارق مطرها بالحنايا مراميح
حتى الزهر من عطرها مفلس افلاس = استبدل اطياب الوفا بالتشاويح