ياذيب ياذيب ياللي بالوطن عاوي= راحت لياليك ياسبع الخلى مبطي
معاد حولك هنا صيده ولاشاوي= الناس راحت مع التعمير والنفطي
واللي مايطري على بالك ترى ضاوي= دورات الايام فيها السود والرقطي
من يوم قدر الوليمه طاح متساوي= الوجبه اللي بصحن الخير تنلطي
روح بها الحصني المغلوث والثاوي= وانته تردد تقول اكيد مايسطي
هذا الزمن يشتهر خكري ودرباوي= حتى البلد فيه علماني وبه قبطي
وشيوخٍ تفسر الاحلام للراوي= وهناك ناسٍٍ تشيل وناسٍ توطي
وابليس يضحك على المجنون والغاوي= حتى تساوى كريم الجاه والمخطي
وانته وانا كلنا في حفرة الهاوي= اعزومنا باول المشوار تنحطي
اندور الطيبه والوقت ماياوي= قبل العقارب ذبحنا البرد بالشبطي