مساكم الله بالخير
ابيات متواضعه لعلها تحوز على رضاكم
الله من قلبٍ له الوجد جذاذ= بأقصى معاليق الضماير يجذه
عليك ياللي من هوى القلب معتاذ=ماجاك من غاليك علمً تبذه
قلبٍ تولع بك ولاعاد ينعاذ = مايسمع اللي كل علمً يهذه
مايستمع هرجة عذولً وهذاذ=لك هاجسً بين الضماير يحذه
مستوطنً حبك ولامنه منفاذ= لوكان طول الصبر بالحزن قذه
اغديك تاتي له على الصوت نفاذ=والقلب ملك لك على العز غذه