[عبدالمطلوب مبارك البدراني]

المشاركة الأصلية كتبت بواسطة صنت البدراني

غنيت قاف الغزل والمدح والفرقى = ولافيه بيتٍ يجي بالبال خليته
وطربت ذيب الخلا والرجم والورقى= تطرب معي كل صوتٍ فيه جريته
خليت بعض العرب بدموعها غرقى= في بيت وجدٍ على الخلان غنيته
سجيت رجلى فخر بالمجتمع وارقى= فوق القمم كل رجم صعب عديته
شامخ بعز الطموح وصافي الطرقى= لمست نجم السماء بالكف وخفيته
امشي بنور الفخر بالغرب والشرقى= وهبني الله وانا بالشكر خصيته
وسمت خد البسيطه وجود الحرقى =اسمي على خدها بالفعل حطيته
اصخر بنات الفكر ماجبتها سرقى= نقحتها عن هزيل الهرج ماجيته
انطح جموع العداء ماجيتها درقى= ومن ضاع عن وجهته بالسيف قديته
نبذه من الروح تكفى فعلها زرقى= مثل السهم في صميم القلب غزيته

الشاعر الرائع صنت البدراني
صح لسانك وعلا شأنك وسلم بنانك

قصيدة رائعة وجميلة
لك فائق التحية والتقدير