طريق الغار ر طريق ينحدر من وادي الفرع بين جبال وادي الفرع حتى ساحل البحر الاحمر وهو طريق اسفتلتي متعرج يقل معه المارة وهذه ابيات هاضت بها القريحة وانا امر بهذا الطريق متجه الى مدينة جده /
مع طريق الغار مدري ويش اسوي = خط متلوي ولا فيه استقامة
ما يكدر يا جماعه صفو جوي = غير وان جتني مع الطرقة عسامه
وإن تعبت من الطريق اشب ضوي = واضبط الدلّه لأجل للكيف قامه
لي خوي نّوه مـــوافق لنـــــــوي = كلنا نمشي على عز وكرامـــه
ما نخاوي واحد عقله مهوي = وما لحقنا في مواقفنا مــــلامــــه
إن لقيت اللي لهم صيت مدوي = خاوهم وابشر لراسك بالسلامة
من زمان مع السفر ماني بتوي = له قوانينه ولا نجهل نضامه
والصديق افزع معه وارهب عدوي = والله أنه ما يشوف الابتسامة
صدق بعض امراض يلزمها المكوي = وللمكاوي لازم تحط العلامه
ودامت الرجال بالعرف أمتروي = ما يجي له بالطريق أي انهزامه