السلام عليكمورحمة الله وبركاته
شاب راسي من احداث الزمان الغريبه = كل يومٍ يمر نقول يوم القيامه
صبحتنا مصيبه والمساء في مصيبه = من علام القيامه كل ساعه علامه
اكتئبنا من أهوال الحياة الكئيبه = ثورةٍ بالجنوب وثورةٍ صوب شامه
المصائب كثيره والبلاوي عجيبه= يالله اني دخيلك من حياة الندامه
قلت اسلي ضميري والقصيد ابتديبه = كل بيتٍ يسلي طاب لي اغتنامه
الله اللي وهبني يالعقول اللبيبه = شاعر(ن) كل ماغنيت نلت الزعامه
مابقى غير دربٍ بالفرح ينمشيبه = يشرح الصدر ذكر اللي جذبني كلامه
يحتويني غلا عكش العيون الرحيبه = يكفي القلب شيٍ مختفي باللثامه
يسرق الفكر في لحظة امل ويغديبه = ليلةٍ زارني فيها سباني غرامه
ياقصيدي عليك اللوم كانك تعيبه = تلحقك شرهة العاقل وتلقى ملامه
وانت مرسول خلي لانخيتك تجيبه = عادتك ماتخليني بدون ابتسامه
علم الزين لايبطي وينسى حبيبه= انتظر عودة المجمول لي بالسلامه
القمر عن عيوني لايطول مغيبه = اشهد انه وصيف البدر ليلة تمامه
شوفته طب قلبي مثل ماهو طبيبه = وين مايروح ناح القلب نوح الحمامه
فوق غصنٍ عثت فيه السموم اللهيبه= من ظروف الدهر ماباقي الاصرامه
هكذا قصة العشاق دايم رهيبه = مثل ليل القمر مايستوي مع ظلامه