الموضوع: مفاهيم معكوسه
عرض مشاركة واحدة
قديم 18-10-2011, 10:54 AM   #1
افتراضي مفاهيم معكوسه

بسم الله الرحمن الرحيم




قديما
مــد الـفـراش وشــب نــار المعامـيـل= وخــل الـنـجـر لـلـجـار عـنــك يـنــادي
كــوده يجـيـب الـلـي يـبـون التعالـيـل= ويرتـاح بـال اللـي هجـوسـه جــدادي
واحمس لها بن الحبش واحسن الكيل= ولـقــم بـهـدفـا معتـريـهـا الـســوادي
وزلـه بصـفـرا واخـلـط الـعـود بالهـيـل= واذا جـهـزت يـلـزم عـلـيـك الـركــادي
وصبه عسـى يشفـي جـروح منازيـل =في جاش منصـاب حـداه ألـف حـادي
في جـاش منصـاب دعـا همـه الليـل =يسـهـر اذا عــادت سـلـيـم الـرقــادي
أشــــوف بــالايــام غــــدرٍ وتـضـلـيـل =وحـيـف وفـيـه الـحـق مـالـه مـنـادي
وأخذتهـا فـي بحـث فـحـصٍ وتحلـيـل= وعــجــزت أحللها وكــــل أجـتـهــادي


وحديثا:


في ما مضى يا نجـر لـلـبن و الهـيل = واليــوم للحلـبة ودق الـصريّـبة

يـبادلــك لابسـات الـمفـاتـيـل = لوحيـت حسّـك راح قـلبي حطيـبة

عـقـب الـغـلا ومـعـذبات المعامـيل = ومعـذب ٍ صبـغ الـزبـادي صبـيـبـه

اليوم يلعـبـّك لـعـيـب الـمهـابـيـل=ما يطمع إن اللي يصيـبك مـصيـبــه

لكنك اصبر صبر هـيــل ٍ بـلا كـيـل = عسى معـاوضنــا مــن الله قـريـبــة

ويعوضنا فـالمقـفـية بالـمقابـيـل = رب الغـني وقـيـلـيـن الـقـضـيـبة

و ايامنا هاذي عـلى العدل والميل = هــذا تروّح بـه والأخر تجـيـبـه

تقفي وتقبل بالطرب و الغرابيل = و يا سرعها للي تـبى تعتـدي بـه

مال البنادم عن نحاهـا محـاويـل = تاخذ بيدها اللي تبي وتغدي بـه

و لولاي افسّح خاطري بالتماثيـل = لعـوي عـوى ذيب ٍ يروع قنيـبه

فـي لـيـلـةٍ غـدراء وبردٍ شمهـليـل = تـنحاه عن ضيـن الشواوي كـليـبـة

وش أضحكه مني خبـيث الدواليل = سـاري بـمفـروس اللحم للخطيـبـة

يبـى يـعشيهـا بـسـور الـمـشاكيـل = واللي يصيده من عشاهـا رضي بـه

إن شاف لمة ناسعـات الـمجـاديـل = اخـذ حـكاهـن وراح يحـكي بــه

وإن جاب علم ٍ ما يحمّض و لا شيل = خلوه خلي فـي ظـلال النـصيـبـة


ولم يكن التغير فقط فى المظاهر بل ايضا بالسلوكيات
فاصبح النهب والسلب تجاره وشطاره
والطيبه اصبحت ضعف
والاخلاق الحميده اصبحت تخلف
والتحرر اصبح حضاره
والوقاحه اصبحت صراحه
والنفاق اصبح مهاره
والصداقه اصبحت مصلحه ووجاهه

تبدلت الانفس والعادات حتي صرنا لا نعرف كيف تتصرف
مع هذه المستجدات الدخيله.
فلا ضابط ديني او قبلي ولا حتي اخلاقي.
قديما نسمع اكثر مما نقول
والان
نقول اكثر ممانسمع
تبدلت المفاهيم واصبحت معكوسه
ولا ادري هل نسايرها وندخل تحت جلبابتها
او
نعيد برمجة ابناءنا ونرسخ القيم والشئم الاصليه

فنجان قهوه لكل عابر من خلال هذه الصفحه
لكم الود









محمد بن جعيثن غير متواجد حالياً   رد مع اقتباس