من قصائد متعب بن محمد بن جريدي البدراني رحمه الله
مايروح مع الاجانب كود الخمامي
مثل الجدار اللي يسوى بلاساس
ترى الجماعه مثل حلو الطعامي
اللي يقلط للمناعير بنحاس
يامشعل ولم فوق ناب السنامي
سلم على ربعي لعل ماباس
يابكرتي درهمي فيه
درهامتن مالها امثالي
ماصلفقوتس الشريطيه
ماصاعتس الصبح خدامي
راكبن من عندنا بنت العبيه
عاريت الساقين زاويها الحيالي
قدمها عديت انا راس الحليه
حين شفت الدو قدم الذود خالي
لاتردين الجوادا ياحييه
خلي الشقحا تطيح بالعبالي