هذه مساجله بيني وبين الشاعر ابراهيم ضيف الله العنزي
سلام منشاعرن معروفه ابياته=للشاعر اللي تغير تال الايامي
لو كل واحد يراجع في ملفاته=و يشوف وضعه وسوق المشترى حامي
الرجل معروف طيبه بعد وقفاته=والا هذا الوقت تذكر بس الاحلامي
من قو راسه و تفكيره و كلماته =الوايلي عادت له يروي الضامي
هقوات كل اهل التقدير هقواته=بس حضر الهامك و معروفن الهامي
ابنشدك عن رجل غير ب عاداته=واصبح غريق الحضاره وابن الاوهامي
والا بعضهم عرفنا ليش جياته=عشان طمعان فالمري و فاليامي
هذا كلامي ولاتجهل بدعواته= للشاعر اللي بصدر فيه الاحكامي
ابراهيم العنزي
حييت من شاعرن تكفيك مداته =يتعب على الطيبة في مذهبه سامي
في عالم المعرفه تلقى شعاراته =يغوص غب البحور وموجها الطامى
لاطب سوق الغلاى تربح تجاراته=من سطوته ماتقوم عزوم الاقزامي
مثل الوكاله تمكن في صناعاته =يفخر بفعله ويمسح دمع الايتامي
يالشاعر الي بلشنا في حركاته=احيان صوب اليمن واحيان بالشامي
مديت كفي عليه وزادشرهاته =اسقيه من جود نبعي كل ماهامي
هذاك مثل الذي يقطع علاقاته=اصبح سجين الندم ويعظ الابهامي
واللي يسوي سواته جات نكباته =لاتامن الجور من دورات الاعوامي
واذا عطيت الطريق احسب مطباته=ان كان تبغى السلامه خلك انظامي
واللي طمع بالنشاما قد طمعاته =يشفق على خوة الطيب ولا يلامي
هذا كلامي وركز في بداياته =فتح عيونك قبل يارجل لاتنامي
يامصدر الحكم لاتامن قراراته =لابوش صاير وانا ماني بصدامي
اسمع كلام ابدوي ن جتك طنياته=من روس حرب الحربية عز الاسلامي
الشاعر صنت عوض البدراني