[عادل البدراني]

المشاركة الأصلية كتبت بواسطة البدراني2007

يا سيد الاحباب زحت الهم عن بالـي=عندك بكسـب الحبايـب دبلوماسيـة
لك فرصة تجمع الغالي مـع الغالـي=من غير موعد تجي وتروح عفويـة
أخذتني من معاصير أشهـب اللالـي=ورمستني رمس بـأجواك الرومانسية
غطيت وجه السماء بغيـوم وخيالـي=والأرض غطيتهـا بـورود سحريـة
متشابكٍ نبتهـا مـن كـل الأشكالـي=من كل الأشكال تقل انقـوش زوليـة
وصممت طيـارةٍ تصميمهـا عالـي=مـا صممتهـا الولايـات المريكيـة
من غير كبتن تجول فوق الأطلالـي=وغمزت زر المحرك وأقلعـت فيّـه
طارت عن الأرض مليارات الأميالي=شوي وإلا لمسـت الشمـس بيديـة
وتحطمت بالمضامي والخلاء الخالي=جيعان ضميـان لا هـذي ولا ذيـة
متعلقٍ فـي عمـود اليـاس بحبالـي=متلولحٍ مـا تطـب الأرض رجليـة
جميع ما شفت بـس أشيـاً تهيالـي=أفكـار وضنـون وأوهـامٍ خياليـة
يا سيد الأحباب تضرب فيك الأمثالي=من سابق الكون لك حسنة ولك سيـة
حسنتك تجمع لك أجيالٍ مع أجيالـي=العالـم الميتـه والعـالـم الحـيـة
وسيتك تدفـن بوايـق كـل ختالـي=من السبـاع الضـوراي والحراميـة

قصيدة جزله من شاعر جزل

صح لسانك ولسان الشاعر عبدالله بن زويبن

والله يعطيك العافيه