هذه اول قصيدة ومشاركة لي وإن شاء الله تحوز على رضاكم
والجديد قادم أن شاء الله
تراي اقول القول واجيد معناه
وصخر الابيات لوهي عنيده
وحيان اعيف الشعر واعيف مبناه
واحيان اولف في ثواني قصيدة
واشفق على الطيب وشوفه وطرياه
ويوم التلاقي يوم عيدي وعيده م
والطيب رجمٍ عاليٍ صعب مرقاه
والي كسب قولة نعم ذا وليده
وإلا الردى محدٍ ذكر له مجاراه
سوقه رخيص وفيه غش ومكيدة
ولا جيت ابترك منهج الشعر وانساه
هاضة فوادي الفتاة الفريدة
الجادل اللي ماتعذبت لولاه
راع الصفات النادرات الحميده
مالي جدا غير اتبع ال آه بال آه
وإلا تسلى في قصايد جديده
ماغيرها جدد مصابي وذكراه
واللي رحل بالماضيات استعيده
عدة الشريط اللي سلوكه مطواه
حتى تذكرة الليال السعيدة
ذكرة من زينه على الناس خفاه
خايف من عيون الحسد لا تصيده
وذكرة من وجهه قمر شع بضياه
عم القصيم وخصةٍ في بريدة
وذكرة ليلٍ فوق الامتان غطاه
سواد ليل وعن سواده بعيده
وذكرة من طعم العسل في شفاياه
كن العسل يمشي بداخل وريده
زاهي زهاء مثل الحلاء وين ابلقاه
لاعرف جواله ولا اعرف بريده
خلاني اكتب بس شعر المعاناه
ماهو بشعر اللي كتب بالجريده
وســــــــــــــــــــــــــــــــــــــــــــــــ ــــــلامتكم