عرض مشاركة واحدة
قديم 23-06-2008, 09:41 PM   #1
افتراضي خذ من سهر عيني وعطني من النـوم

خذ من سهر عيني وعطني من النـوم
خلك تـذوق و تطعـم النـوم عينـي
خلك تذوق من العنا بـس لـو يـوم
ترحـم محـبٍّ عايـشٍ بـه سنينـي
طال العنا بي ما حصل منك مقسـوم
ولا صخـف قلبـك لقلـبٍ حزينـي
عمري قضيته بين سجـات واحلـوم
وخيط الرجاء عيـا بوصلـك يبينـي
كنك على قربك مع النـاس معـدوم
قريـب دار وكـم بينـك وبيـنـي
اعطف على اللي من عواطفك محروم
لو با لعمـر مـرة يهـون الحنينـي
في نظرةٍ من عينـك القلـب ملـزوم
ضاق بعنـاه ولا لقـى لـه معينـي
قلبٍ وفى لك بالهـوى دايـم الـدوم
مغليك وش فـوق الغـلا ياضنينـي
ما عاف مما شاف لو قـال مظلـوم
صابر على هجرك برجـوى تجينـي




الشاعر ,, محمد العبيدالله








مشاري البدراني غير متواجد حالياً   رد مع اقتباس