عرض مشاركة واحدة
قديم 16-03-2016, 06:00 PM   #1
افتراضي الرجل هو الذي يثبت وجوده

الرجل هو الذي يثبت وجوده
والمكان اللي ما يصلح له يسيبه
لا يجي في موضع وتبرد زنوده
ثم يصبح مثل مركوز النصيبه
البشر صاير بهم ضعف وبروده
والمسافة عندهم صارت قريبه
يحسب ان المجد سهل في صعوده
ثم يتعب ما وصل راس الرقيبه
الهلامه ما هو بقادر سنوده
مايجي له منه يا غير الغليبه
والجمل اذا قام ياكل من عضوده
يسرح بمركازه ولا احد يجيبه
كان قدته ما مشى وانته تقوده
وان تبعته راح حادر بك شعيبه
قاله اللي عارف نقصه وزوده
وبالمعرفه ماتردى به نصيبه
يتروى بالفكر من راس عوده
عوده اللي ماتعجزه الصعيبه
ابن عابد ما احد يجحد جهوده
مبارك اللي وان وقف يتعب طليبه



عبدالمطلوب البدراني







التوقيع

يـا عــيــن حـــــذرا لايــجـــي خـــــدي الـــذرف
عــلـى االـمـقـفــي مـا لـحـقـنــي حـسوفــــــــات
ومــن لا حـسـب لــي بانفـلـه نـفـلـة الــــزرف
لا صــــار فــاضــي مــــا يــخــوض الـمـهـمـات

عبدالمطلوب مبارك البدراني غير متواجد حالياً   رد مع اقتباس