[البدراني محمد]

قصيدة مهداة للمهندس فرحان الحربي 0000

جيت عاني فوق جيب(ن) مشترينه = من الخليج وفيه زود مميزاتي
ساعتينه والحدود مريضينه = ولا مشى لين اتصلنا بواسطاتي
نحمد الله ماعليه شيئا يدينه = بس فيه مواصفات(ن) لافتاتي
وانطلق مثل السهم لموجهينه = ويعتبر ضمن الثلاث الوارداتي
ولمثاني نجد جينا حاذفينه = نحروه أهل العلوم الطيباتي
يم فرحان المزيني عامدينه = راعي الفزعات عند المعضلاتي
حر(ن) تشوف السعادة في جبينه = وفي هداده ماتحوم الحايماتي
بالفعل جده وابوه متعبينه = بالأصول وباليدين الطايلاتي
ولي لزوم(ن) عنده الله لايهينه = والثلاث الاولات الرابحاتي
طاعة الله وافلحوا ياطايعينه = والتخلص من جميع المحبطاتي
وبذلة المعروف للي قادرينه = فزعت(ن) مع طيب(ن) لذة حياتي
والصراحة والله اعلم بالضغينه = جعل اهلها بالرياض الصالحاتي
وراعي النية تراء ربي معينه = والأمانة بالقلوب المؤمناتي
وأطلب الله ثم أبو تركي استعينه= وأفتخر في فزعته واطعن اعداتي
فزعته للي مغربلته اسنينه = مثل زخات المطر للمضمياتي
طب في دخنه وخلاها مدينه = تقل شوارع النسيم مصوراتي
انظرالسيدين سلمتلي يمينه = حطهن مثل العيون الساهراتي
والمظاهر والتخاطيط الحسينه = والشوارع للهضاب منوراتي
صب فيها المال والديرة ثمينه = ديرة اللي يفعلون المعجزاتي
ديرة أهل الدين وقلوب(ن)رزينه= روس ربعي محتمين المرزماتي
كم شيخ(ن) هجرته فيها لدينه = مهاجرا لله على شان الصلاتي
يطلب الرحمة من اللي مرتجينه = يالله في حسن الخواتم بالمماتي
والسلام اختام والدنيا حزينه = والمطايا لافيات أو ملفياتي