هذه القصيدة من الشاعر / عمر بن منيف المجمعي السبيعي ويسندها إلي الشاعر فلاح بن مشعل البدراني الحربي
يافلاح اليوم مريت وأنته ماأنت فيه = ودلة(ن) ما أنته عليها مابي فنجالها
قالوا اقلط قلت وين الصديق اللي نبيه = قيل عند البل يراقب على عمالها
قلت يعزاه مافيه شي نشتهيه = غير هرجت صاحب(ن) جيت وإلا جالها
مير ياعزام سلملي عليه = ردتن مثل العسل صادق(ن)ا من قالها
مجلس الطيب لوه بدراهم نشتريه = تجرة لصحابها رابح(ن) دلالها
طيب(ن) من طيب ورفقه نهتويه = ورفقة الطيب من اقصى الدير يعنالها
من (بدارين) لهم صيت وأثاني عليه = قلتها والله قدام قولي قالها
يافلاح الوقت هذا عليكم مشتكيه = وحجتي قدامها ثابت(ن) معدالها
وانت قاضي المعرفه وانت عرفك نحتريه = ولايشيل الحمله ياكود اجمالها
كيف راع الحر الاشقر يعود يشتويه = حرم الصيده ويفتيني بحلالها
القريب اصبح عدو لقريبه مايبيه = ويقطع الله شجرت(ن) مايضل اضلالها
انقلب بالعكس وقت(ن) مضى هو ويش فيه = والحنادي تطرح الصقر في حبالها
الليالي علمتني بدرس(ن)مانتسيه = والسواني كل يوم تجر احبالها
احد تسقيه العسل من شراب(ن) يشتهيه = واحد يجرع مرها علته لادواء لها
ابتلشنا بالبشر بين ذي وبين ذيه = احد يشعبها والاخر يشد اعقالها
انتبه للمعرفه وانت رجالا نبيه = والعلوم اقصارها لاختصار اطوالها
وهذه القصيدة رد على قصيدة الشاعر / عمر بن منيف المجمعي السبيعي من الشاعر / فلاح مشعل البدراني الحربي
راكب اللي دقته مثل دقات الجنيه = مركب التجار واللي يطوله مالها
ماعليه من المسافه والله ماعليه = غير رجالا يعرف الدير ورجالها
الضحى في بلاد (مبهل ) والعصر مر المويه = مع ديار(ن) تقل تطواله أعبالها
يتجه مع خط رنيه لرجالا نبيه = نصه ابو منيف بالطيبه وامثالها
الصخى والجود دايم يمدنه أيديه = من شيوخ سبيع وأعده من ابطالها
لا وقفتوا عند بابه تبي تسمع وحيه = مجلسه فيه النشاما تصب أدلالها
بلغة رد الثناء ياسعد وأبده عليه = ان طلبها هذ وانطلب موالها
الزمان اللي علينا تقوله شان ليه = السبايب من رجالا تهين اسبالها
تسحب الحرج المحرم وتعود عليه = والعبيه حط فوق الحمار جلالها
ولايذل الرجل غيرالمسفة تبتليه = مع خبول(ن) ماتعرف عمها من خالها
يعتزي بفعل جده وجدي نعنبيه = ولو يجيه من العدا مايخل خلالها
تفتضح وسط البشر والسبب رجلا سفيه = والعمل ماهو على اجسامها وازوالها
وعترضها بالمجالس عدوا له وديه = جابها اللي جابها وراحت يرفالها
لاتغثرب صافي الماء المصفى لاتجيه = الرسوس رسوس وتعود على احثالها
زين عنه سجة الرجل والراي الوجيه = مع طرف سفن الصحاري تتل عيالها