اقتباس:
المشاركة الأصلية كتبت بواسطة محمد ابراهيم البدراني
دخلت بحر الهوى صدفه من ابوابه=ودروب بحر الهوى ماهي بمضمونه
دخلت بحر الهوى ماخذت بحسابه=كله سبب شوفت المجمول وعيونه
يشدني يمه بنظرات جذابه =خلا محمد بقيده داخل سجونه
اللي جرحني وجرحي بانت اسبابه=بسيوف حدبن على الحدين مسنونه
انشهد انه علق بالقلب مضرابه=وانا اشهد اني مريض الحال من دونه
وعرضت قلبي على الدكتور واصحابه =قال العياده واهلها مايدوونه
ودواك وعلاج قلبك عند من صابه=ارجع على اللي تبلا القلب بطعونه
قلت اه وين ووينه اقفت اركابه=ذا حد علمي سمعت الناس يطرونه
وناسن تجيب الصحيح وناس كذابه=والعالم الي مكون كافه ونو نه
والحب قبلي يهز الناس بتعابه =عنتر بحبه تبيح كل مكنونه
وعنتر بعبلا دموعه دوم صبابه=مات بهوها وجروح الحب مدفونه
ونمرن بوضحا فقد في حبها اعصابه=لامن ذكرها يجيب القاف ولحونه
ومجنون ليلى بحبه شقق ثيابه =وانا حبيبي تراني صرت مجنونه
|
الاخ الغالي محمد ابراهيم البدراني
صح لسانك وعلا شأنك قصيدة في منتهى الروعة والجمال
لك فائق التحية والتقدير