عرض مشاركة واحدة
قديم 07-08-2012, 10:59 PM   #1
معلومات العضو
عبدالمطلوب مبارك البدراني
اعلامي وصحفي ومراقب وعضو لجنة الحكم

الصورة الرمزية عبدالمطلوب مبارك البدراني
إحصائية العضو






آخر مواضيعي
افتراضي والنعم والله يارجال العز يا شيوخ الحروب


بديت باسم الخالق الرزاق علام الغيـــوب=اللي رحم عبده عظيم الشان فارج كربتــه
يعلم دبيب النمل بالظلماء وما وسط القلوب=هو ملتجا للعبــــد لاضاقت سمـــاه وتربته
له التجينا وانتخينا وهو فراج الكــــــروب=يفرج لخالد من غياهيب السجون وغربته
والحمد لله قاضي الحاجات غفار الذنوب=فـرّج لخالد وأفرحت من شأنـــه أم ربتــه
والنعم والله بالقبيلة كلها وإن صـــار نوب=دون اللوازم وإن بدا الماجوب قامت سدته
الشيخ بندر من شيوخ العز للعلياء كسوب=وصلاح ولد فريج شيخٍ زياده معـــــزته
والنعم والله يارجال العز يا شيوخ الحروب=انتم حزام اللي مقادير الليالي ضدتـــــــــــــه
يـــاكم ثنيتوا بالحرايب كانها شبـــت شبوب=وقت الزمان اللي مضى والكل شاهر حربته
تاريخنا معروف من عصرالاوايل ومحسوب=تاريخ ناصع بالبياض اهل المواقف عدتــــه
وكل القبايل والنعم بالشرق والا بالغـــــروب=الطيب ما يقصرعن اهل الطيب وان جت حزته
واليوم في عهد المليك العدل للشعب محبوب=عبدالله اللي كــــل شــعبه شايــــلٍ مودتـــــــه
ابن الزعيم اللي حكمها من شمال الى الجنوب=واضفا الامن شرق وغرب صقر عطيبه هدته
وبعده عيال كلهم وافين ما فيـــهم عيـــوب=مشــــوا على نهج الامام ونفذوا وصيتـــه
يــا الله تحفظ دارنا في كل شبر وكل صوب=واحفظ لنا قائد وطنا اللي جزال مدتــــــــه
وولي عهد المملكة من فعله القاسي يذوب=سلمان وجه الخير وسط قلوبنا محلتـــــــه
وختامها صلاة ربي عد ما هبت هبــــوب=على نبي وضّح الاسلام كامل لامتــــــــــه







التوقيع

يـا عــيــن حـــــذرا لايــجـــي خـــــدي الـــذرف
عــلـى االـمـقـفــي مـا لـحـقـنــي حـسوفــــــــات
ومــن لا حـسـب لــي بانفـلـه نـفـلـة الــــزرف
لا صــــار فــاضــي مــــا يــخــوض الـمـهـمـات

عبدالمطلوب مبارك البدراني غير متواجد حالياً   رد مع اقتباس