[محمد بن جعيثن]

للشاعر نايف العياش
وهذي القصيده قالها الشاعر مرثيه في الأمير المرحوم ناصر بن راجح البدراني الحربي

مخاطباً بها الضلع الأسمر (ماوان) الذي كان يسكن بجواره المرحوم

يامل قلبن كل ماجيت أبنــــــــــــــام=من ماهواه وجاه يقلاه قالـــــــــــــــي
كنه حديده تقص بيدين لحــــــــــــام=ركى عليها ووتهلها أوتهالـــــــــــــــي
أقولها من باح سدي ولا ألــــــــــــلام=ومن لامني يمضي له اللي مضالــي
أونس من الفاحس كما وقع مرقــــام=وتقال شارب روب سمن زلالـــــــــي
وأميرنا عز القبيله والأســــــــــــــــلام=الي يطيب إليا قسن اليالــــــــــــــي
وأميرنا ضد المعادي والأخصــــــــــــام=وتقدره وتهاب منه الرجالــــــــــــــــي
وأميرنا حلحيل عزام جـــــــــــــــــــزام=يرسي كما ترسي رواسي الجبالي
وأميرنا لا جات خلفات الأيــــــــــــــام=إليا جاء نهارن فيه مرن وحالــــــــــي
يسقي أعدانا من قراطيع الأسمـــام=لامن زال الحق والبطل مالــــــــــــي
وبيتنا بيتن به العز كد قــــــــــــــــــــام=وبيتنا بيتن الذرا ء والضلالـــــــــــــي
وبيتنا اللي من دخل فيه مايضــــــــام=لو كان شايله حمولن أثقالـــــــــــي
صحيح ماقالوا أهل العلم قـــــــــــــدام=اللي مشاء الأول مشيناه تالـــــــي
مادامت الدنيا ولا طيــــــــــــــــبن دام=ولا بد من فرقا تقفي أبغالـــــــــــــي
يالضلع الأسمر ليش ما أوحيلك أرزام=أنته علامك ياعريب الأهالـــــــــــــي
أن كان ماتبكيه جعلك للأعـــــــــــدام=ترجم ركونك من جنوب وشمالــــي
يأتيك نجمن مرسله مذري الأنسام=وألا الصواعق من ثقيل الخيالــــــــي
حقك عليه الأجنبي فيك ماحـــــــام=وحقه عليك برفعت الصوت عالـــــــي

منقوله من ديوانه بمنتديات بني جابر
وعلى المحبه نلتقي