ياسقس قررت ابيعك دين
تعبت والخط مليته
ايام مرت بزين وشين
والوقت يمضي بتوقيته
اخذت شهرين بالبحرين
ودبي وعمان مريته
على السفر قد مضى عامين
شغال مايوم طفيته
باليل نسري مع السارين
ولديرة الزين سريته
الخط نمشي معه تسعين
واللي يتحدى تحديته
تذكر ليالينا ياحسين
عشرين براد سويته
ضاع الزمن والدراهم دين
والعمر ياشين افنيته
وش عاد باقي لنا هالحين
والشيب بالراس عديته
كل بكى لي وانا المسكين
والموت ياما تمنيته
ايام مرت قسى مع لين
في وجهها الباب صكيته
ابغى تجي يم دار الزين
اللي على الدرب لاقتيه
ابو جديل على المتنين
ياليت منهو سكن بيته
اقضي من العمر لو يومين
مع حبي اللي تمنيته
اقضي مع داعج العينين
وان ضقت للصدر ضميته
وختامها ياكحيل العين
من شانك اليوم انا اهديته