هذه القصيده مجاراة لفعل الطيب الذي قدمه الاستاذ عوض بن مطرب البدراني
لاخي جايز بن جزاء بن شاهر البدراني وليس مستغرب على فعل الطيب
من ابو يزيد
الطيب ماتستغربه من هل الطيب=اللي على فعل المعاريف ضارين
كنوز الرجال اهل الشيم المواجيب=بلازمه وافين بالعسر واللين
احزام للاصحاب وايضا الاجانيب=وعلى العلوم الطيبه دوم حرصين
طيبن جبله ماهو يحضر ويغيب=هجن عليه من اول الوقت ماشين
ينبيك عن طيب الرجال التجاريب=ويكفيك عن كثر الكلام البراهين
واللي سمعته عن عوض ماهو غريب=عليه لانه من رجالن كريمين
فعله بجايز فيه معنى المواجيب=سد اللزوم وقال ماهو ببعدين
والله يابو مطرب وعداكم العيب=هذي عوايدكم من سنين وسنين
انتم مقر الجود والنبل والطيب=من ماضي الايام ماهو من الحين
لكم جزيل الشكر باحلى الاساليب=مني نيابه عن هل المذهب الزين
الشاعر : محمد عوض البدراني