[خالد]

قصيدة مهداه للأخ صالح زبن البدراني
طيب المكارم وصاحب العلوم الطيبه الرجل ذو الخصال الحميده

سلام ياصالح سلاماً بتقدير=من دافع الرفقه وزود أحترامك
سلاماً احلى من حليب المصاغير=في حاجراً عشبه جديداً تشابك
در البكار المصلحات المغاتير=اللي بلمات المزاين تشارك
سلام يهدى من جناب الزنيفير=مني يابو تركي لحضرة جنابك
ياتاج راسي يازبون المخاسير=فيك القصيده والمعاني تبارك
نفخر بذكرك بين كل المشاهير=ويلقى السعد من لاذبك وحتمابك
لك مجلسن دايم يروده هل الخير=بيت الكرم والجود ماصك بابك
والعود الازرق والدلال المباهير=حاتم زمانه وانت حاتم زمانك
بالجود حاتم والسطرسالم الزير=والدين منهاجك من اول شبابك
سيفاً مهند من سيوفاً بواتير=حراً ولد حراً وكلٍ يهابك
لطيب في وجهك رسوم وتعابير=ما مات من خلف حليك وجابك
على الخوي غيثاً مزونه مزابير=يمناك تفعل ما يقوله لسانك
الله يفكك من سهوم المقادير=وعساي مسمع في سموعي غيابك
وابي السموحه كان بالقول تقصير=يلي مع اهل الطيب وافي نصابك

الشاعر : جهز عوض البدراني