بسم الله الرحمن الرحيم
الاخوة الكرام /
اليوم الخميس الموافق 14 صفر 1434هـ أجتماع قبيلة البدارين من بني عمر من حرب في قصر الصالحية
بالمدينة المنورة برئاسة شيخ قبيلة البدارين عبدالرحمن بن نايف بن راجح ونائبة الشيخ محمد بن ناصر لجمع التبرعات لاعتاق رقبة الاخ عوض بن عيد الحويفي الحربي فك الله اسره وهذه ابيات هاضت بها القريحة أمل أن تروق لذائقتكم /
سلام يا ربع الوفاء والطيب يا رجال اللزوم = اللي لهم عند الثرياء في سماها منزله
ربعي حزامي عزوتي والقسم من خير القسوم = الطيب يلقى طيب منهم والعدو نزعله
سلومهم عز وكرم ياحي والله هالسلوم = يا فزعة اللي من زمانه شاف هم وبهذله
إن كان قام الشيخ قاموا كلهم لما لموم = من دون واجبهم رجالٍ ما تحب المهزله
الشيخ ابن راجح يقول اليوم فزعه يالقروم = بعد انتخى حرب الحويفي لابتي ماتزهله
ابشر يابو طلال ربعك من قويين العزوم = من عصر ابن بدران والميقاف ما احد يهمله
ويبشر محمد والشيوخ اللي لهم دور معلوم= اللي عليهم تسهل الصعبات واهل المرجله
قولوا لامل ترتاح والله ما بعد هاليوم يوم = تبشر بابوها همها كل القبيله تحمله
شيوخ حرب وكل حرب وراعي الفزعه يقوم =مفتوح باب الخير لاهل الخير..ما احدٍ يجهله