عرض مشاركة واحدة
قديم 15-03-2007, 10:17 AM   #1
معلومات العضو
تركي الزايد
مرااقب عام مشرف الدواووين الادبيه

الصورة الرمزية تركي الزايد
إحصائية العضو







آخر مواضيعي
افتراضي تجبرني الضيقة وكثر العوايز.... والنفس عن بعض المواقف تعزه

مالوم قلب(ن)كن وسطه حزايـز = تقول في صنـع الفرنجـي تحـزه
والمذهب الماخوذ بالحيـل بايـز = من كثر ماهـزات وقتـه تهـزه
تجبرني الضيقـة وكثـر العوايـز = والنفس عن بعض المواقف تعـزه
ويش انت في بعض المخاليق عايز = ماشفت بوجيـه الخلايـق معـزه
راحـت ليالينـا لـك الله عجايـز = واغلى الحرير يموت في دود قـزه
اجسـام لكـن بالحقيقـة جنايـز =والرجـل صكـات الليالـي تلـزه
الله علـى يوم(ن)جديـد الطرابـز = يفز فيـه مغربـل الوقـت فـزه
يبري غليل بين الاضـلاع حايـز = ويمز له من شهـد الايـام مـزه
جايـز تعشمنـا بالايـام جـايـز = بين الرجا واليـاس حـزه وحـزه
عامين ماشفنا الوجيـه العزايـز = يابن سعـد حي(ن)يعزيـك عـزه
الشعـر مبـدا والمعانـي ركايـز = والـذوق مابيـن المجاليـن دزه







التوقيع

سبحان الله وبحمده سبحان الله العظيم

تركي الزايد غير متواجد حالياً   رد مع اقتباس