بسم الله الرحمن الرحيم
مرحوم ياشيخ عيوني بكنه=تفيض عبراتي لياحل طرياه
نايف فقيده والعيون فقدنه=نايف فقيده للقبيلة من اقصاه
كل الخصال الطيبات اعشقنه =بوجهه الطاهر وفي وجه شرواه
أبوه هاجد فيه ماخاب ظنه=عز القبيله وعز من جاه ينخاه
له عند وافين الخصايل مضنه=اهل الكرم والمرجلة وآهل الجاه
الحزن في وسط الضماير نكنه=مثلي عيون الناس تبكي وتنعاه
مالومهن لو دمعهن يذرفنه=يبكن شيخ تفعل الطيب يمناه
سود الليالي في سهمهن خذنه=قبل أمس أنا وياه واليوم نرثاه
واليوم في وسط اللحود حضننه=ليته فداه المال والمال يفداه
لكن خذاه الموت والموت سنه=واللي كتب ربي على العبد يرضاه
عسى جنان الخلد يستقبلنه=من رحمته موسى من أعداه نجاه
الله كريم ورحمته مايمنه=بعطفه ولطفه فيه يوم المناجاه
تمت وانا تميت وقلبي يحنه=ومن واهج العبرات خطي كتبناه
الشاعر/عوض ركيان البدراني