[عوض البدراني]

الطيب تاج للرجال العواريف = اللي لفعل الطيب دائم تمدي
يوم الردي يمشي مع الناس ما شيف= ماله علوم عند ربعه تعدي
والحر دايم بالطوال المشاريف= ولا الثعل لجبالها ما يعدي
علم صحيح ولا دخل فيه تزييف =ومهما سمعت اليوم ما باح سدي
ما همني يا عبيد قول الملاقيف= اللي يجيب الهرج واللي يودي
أنا بخير ولا علي تخاليف =ما قلت زور ولا تعديت حدي
والفضل لله والحكم لأهل السيف= حكامنا اللي للعدو دوم ضدي
أهل الفعول العالية والمواقيف = تبرع يصرف وخيرٍ يمدي

عبدالله بداي عقيل البدراني

المصدر جريدة الجزيرةالأثنين 09 ذو القعدة 1428 العدد 12835