غزه تصيح وتشتكي ظلم صهيون = أهل الغدر والمكر وأهل الخديعه
تُحرق وتُنسف بأمر فاجر وملعون = الكذب والتظليل فيهم طبيعه
يباد شعباً بأكمله فوق مليون = الله يا كبر البلاء والفجيعه
من الأسى و من الحزن تدمع عيون = مشاهد التدمير صارت فظيعه
حرب بدت بأول يناير وكانون = تبيد وتدك كل الحصون المنيعه
أطفال غزة في الملاجي يصيحون = وأما تنوح لفقد طفله رضيعه
عز الله أني صرت بالحيل مغبون = ومن القهر ضاقت علي الوسيعه
يا ويلكم ياللي عن الظلم تغضون = الظلم والله له عواقب شنيعه
أطفال عزه كل لحظه يموتون = وحنّا هو النفس والله نطيعه
يأمة هانت ويش اللي تسوون = حتى كلام الحق ما نستطيعه
يستقبل أولمرت اليهودي وشيمون = وتجعل صواريخ المقاوم ذريعه
والعذر ماشي عذر مهما تقولون = نبغى ردود أفعال منكم سريعه
يا داعياً للسلم تراك مجنون = صهيون ماله غير حرب وقطيعه
يالله يا معبود يا خالق الكون = عجل بنصر كل الأمه تذيعه
يا هازم الاحزاب بالكاف والنون = أوقع بني صهيون باقشر وقيعه
أجعل بني صهيون من دون في دون = وانصر هل التوحيد وأهل الشريعه
الشاعر / محمد نافع الجابري
وادي الفرع