عرض مشاركة واحدة
قديم 26-12-2006, 01:18 PM   #1
معلومات العضو
بعيد المراميس
بدراني نشيط
إحصائية العضو






آخر مواضيعي
افتراضي قصيدة في المقناص،، لبن مدعث،،



الاخوان الاعزاء اليكم هذه القصيده @ اتمنى ان تحوز على رضاكم


أنا ليا ضاق صدري واشتعل جاشـي = داويت نفسي مـن همـومٍ تناهشهـا
وضربت لي طرقةٍ تصعب على اللاّشي = وسرّيت رجلي ومسرى الليل ينعشهـا
ونحرت جوٍّ خليٍّ يوحـش أوحاشـي = صحاصح البيد طـبّ اللـي يعايشهـا
خالٍ جنابه مـن العالـم والأدباشـي = قفرٍ مربّ الوحوش ومأمن أوحشهـا
عشبه سوات الحمى ماهوب ينّاشـي = لا راعي البل ولا الشـاوي بنايشهـا
مايقطعن فرجتـه حـرار الأبواشـي = الضمّر اللي وصوف الريـم تركشهـا
مايسهجه غير جيبٍ يطرب الماشـي = مع واعر الأرض وألاّ مع مفارشهـا
جيبٍ يبعّد عـن مْعشّـاي مغباشـي = اللي يقـصّ الـدروب ليـا تناوشهـا
ماتسمع من المكينه غير وشواشـي = ماكنّـه ألاّ الحيايـا فـي توشوشهـا
لا فرّ من دوس رجلي صابه خراشـي = فـرّة قطـاةٍ دويّ الملـح خارشهـا
يطيش من طيش سوّاقه ليـا طاشـي = نوبٍ يخم الخطـوط ونـوب يقرشهـا
أبيه لابـان نجـم ونجـم متلاشـي = وشفت السويبع مع أخوانه مداقشهـا
في ليلـةٍ وبلهـا هتّـان ورشاشـي = وقلايد الوسـم مرخيـتٍ مراهشهـا
ليا أضمرنّ الفحول وجاهن طياشـي = والأرض في بطنها قـرّت هوايشهـا
وراع الولع عقب موته له تنعواشـي = طيره على الكـفّ والدنيـا مطنّشهـا
ماعاد يطري له ألاّ بـرق الأرياشـي = اللي على شانهـا البيـداء يفتشهـا
وأنا معي عاريٍ ماهـوب بخياشـي = لاتلّ سيره علـى المقفـي تفرّشهـا
عديم وأسمه عديمٍ ما أسمه شلاشـي = زرق الشوش لالحقها علّق شوشهـا
ومن لا عرف لذّة المقناص ماعاشي = ولعه بليّـا طماعـه ميـر عايشهـا
يسلى بها الخاطر ليا ضاق وانداشـي = وترتاح بالنوم عيني يـوم أغلمشهـا
ماتسمع اذني صدى لجلاج وهواشـي = ألاّ السواري مـع الظلمـا تخترشهـا
يالايمـي خلّنـي بصـدّ وانحـاشـي = عن شوف ناسٍ ماغير تلوّي خششها
والله إن يبطي مع المقناص مطراشي = لين المنيّـه نقابـل وجـه طارشهـا
هذا الدواء اللي يداوي حدبٍ هشاشـي = من هاجسٍ لاتحرّك قـام يجرشهـا




شعر : خالـد بن مدعـث الدوسـري


تقــــــــــبلوا تـــــــــــــــــحـــــــــــــــــــــــياتـــــ ـــــــــــــــــــي








التوقيع

الله يجملني وجمل ربعي@ قدام تدفن بالتراب عظامي

آخر تعديل فزاع البدراني يوم 27-12-2006 في 04:44 AM.
بعيد المراميس غير متواجد حالياً   رد مع اقتباس