[البدراني محمد]

قصيدة مهداة للمهندس فرحان الحربي

بديت باسم الله جليلا غناوي = منشى الخيال اللي ينصب ويرعد
سبحان سبحانه على كل قاوي = اللي له المسلم يصلى ويسجد
وعديت في راس الطويل الخلاوي = راس الطويل اللي به الشوف يمتد
وأخذت من جم الضمير الرهاوي = بيتين بالمعنى نبي نشدهن شد
وبينت لبا العون بعض الشكاوي = يوم الزمان لفزعته حدني حد
موضوع يدريبة بعيد الهقاوي = اللي فعوله بالمراجل تمجد
ويمدحك يافرحان شاعر وراوي = وتشهد معاني بالسجلة تورد
وأنا شرهت وشرهتي يالنداوي = حبس انتظار أمرا من الشيخ ميد
ذيب(ن) يجر اعواه فوق المطاوي = الماء يشوفه بس ماتطوله اليد
وإلا انت بالمنصب وتصل الحراوي = وليا فزعت بجانبي لي ولد جد
صفقت بحر ماهي رسوس ومراوي = شبل يغيض عيال الانذال لامد
أبا اعتزيبك وأنت تسوى العزاوي = تسوى عزاوينا إلى ضدنا ضد
محصن(ن) ما أنته من أهل الرشاوي = وان عدو اشيوخ العرب منهم تعد
يافزعة اللي تعترضله بلاوي = من بين نيبان الجمل وآخذ ورد
ومن بين مرضان السبب والمداوي = أعمارنا راحت وحنا نتردد
وتمت عسى لنا مع الله عراوي = بيوم له العالم تحاسب وتنشد